نئی دہلی، 27/جنوری (ایس او نیوز/ آئی این ایس انڈیا) شاہین باغ میں شہریت ترمیمی قانون (CAA) کیخلاف احتجاج کے لیے بی جے پی پر الزام لگانے والے دہلی کے وزیر اعلی اروند کجریوال پر ان کے سابق ساتھی کمار وشواس نے بھی حملہ بول دیا ہے۔کماروشواس نے ایک ٹویٹ کر کے آپ پر وہاں اپنے گنڈوں کو بٹھانے کا الزام لگایا۔بتا دیں کہ کجریوال نے ایک ٹویٹ کر کہا تھا بی جے پی شاہین باغ پر گندی سیاست کر رہی ہے۔ اسی پر وشواس نے ٹویٹ سے کجریوال اور آپ پر حملہ کیا۔ وشواس نے کجریوال پر پینتر بے بازی کرنے کا بھی الزام لگایا۔ انہوں نے ٹویٹ کر لکھا کہ اپنے امانتی غنڈوں کو بھیج کر بٹھائیں آپ اور اٹھائیں دوسرے؟کجریوال نے شاہین باغ میں کارکردگی کے لئے بی جے پی کو ہی ذمہ دار ٹھہرایا تھا۔ کجریوال نے ٹویٹ کر کہا کہ شاہین باغ میں بند راستے کی وجہ سے لوگوں کو پریشانی ہو رہی ہے۔ انہوں نے اس کے لئے براہ راست طور پر بی جے پی کو ذمہ دار ٹھہرایا۔ کجریوال نے لکھا کہ بی جے پی نہیں چاہتی کہ راستے کھلیں۔ بی جے پی گندی سیاست کر رہی ہے۔ کجریوال نے بی جے پی کو مشورہ دیتے ہوئے کہا کہ اس کے لیڈروں کو فوری طور پر شاہین باغ جاکر بات کرنی چاہئے اور راستہ کھلوانا چاہئے۔ مرکزی وزیر داخلہ امت شاہ نے اتوار کو ایک انتخابی اجلاس میں کہا کہ دہلی کے انتخابات میں بی جے پی کے لئے ووٹ ڈالنے سے شاہین باغ جیسی ہزاروں واقعات رکیں گے۔امت شاہ نے مختلف مسائل پر وزیراعلیٰ اروند کجریوال اور کانگریس لیڈر راہل گاندھی سمیت کئی اپوزیشن رہنماؤں پر حملہ کرتے ہوئے کہا کہ صرف وزیر اعظم نریندر مودی ہی ملک کی سلامتی کو یقینی بنا سکتے ہیں۔